Los afiliaos d'IX apuesten pol alcuerdu eleutoral con Podemos pal 26-X

Un 84,5 por cientu sofita la confluencia.

Con una participación del 28 por cientu del censu, les bases d'Izquierda Xunida (IX) decidieron apostar por un alcuerdu eleutoral con Podemos que se pretendía zarrar güei, pero que se va allargar hasta'l domingu. Un 84,5 votó pol 'sí', por un 13,1 por cientu qu'optó pol 'non' y un 2,4 por cientu que s'astuvo.

Gaspar Llamazares, diputáu d'IX na Xunta Xeneral contrariu a esta confluencia ente les dos organizaciones, reconoció los resultaos de la consulta y solicitó "prudencia" na xestión del alcuerdu. Dicha prudencia, apuntó, implica "esixencia programática, a la estratexa política y a les candidatures”.