La tripulación del pesqueru secuestráu ta "físicamente bien, pero sicolóxicamente mal"

"El xefe de máquines del 'Playa de Bakio', José Manuel Baz Márquez, aseguró esta nueche que la tripulación del atuneru vascu secuestráu por pirates n'agües somalís el pasáu domingu ta ""físicamente bien, pero sicolóxicamente mal"". ""Caltenemos la calma como podemos"", esplicó.

En declaraciones a 'La Voz de Galicia', el xefe de máquines esplicó que los marineros secuestraos - ocho gallegos, cinco vascos y 13 africanos - tán nel interior del barcu, concretamente nún de los comedores. Asegurando, amás, que desconocen les condiciones qu'establecieron los pirates pal so rescate.

Lo mesmo que pasaba nel restu los casos nos que nos medios de comunicación tentaron ponese en contautu cola tripulación, el xefe de máquines manifestó que nun podía falar, ""tán controlándome, tengo que dexate"", señaló na corta conversación, de malpenes un minutu de duración, na qu'esplicó que pel momentu tienen comida."