Maliki forma un nuevu gobiernu ensin los chiíes

"La oficina del primer ministru iraquí, Nuri al Maliki, anunció esti xueves que tolos grupos políticos del Parlamentu iraquí van volver a integrar el Gobiernu d'unidá qu'él mesmu dirixe. Por embargu, esta afirmación paez facer referencia, sobre manera, al principal bloque suní, el Frente del Alcuerdu Iraquí, yá que paez que queda mui lloñe la posibilidá de meter al Movimientu Sadr, dirixíu pol clérigu radical chií Muqtada al Sadr.

Los seis ministros del Movimientu Sadr retiráronse del Gobiernu hai un añu dempués la negativa d'al Maliki a fixar un calendariu pa la retirada de les tropes d'Estaos Xuníos.

El primer ministru, Nuri al Maliki, esplicó que la reconciliación foi un éxitu y que tolos bloques políticos ""van tornar al gobiernu"", indica'l comunicáu emitíu pola oficina del primer ministru. El Frente del Alcuerdu Iraquí y otros grupos minoritarios abandonaron el Gobiernu l'añu pasáu, nun xestu que supunxo un duru golpe pa la estratexa americana de busca de la unidá política.

El Frente demandaba una nueva amnistía y más concesiones pa la minoría árabe suní en cuestiones de política de seguridá. Por embargu la ofensiva gubernamental escontra la milicia chií del Exércitu del Mahdi paez que valió pa satisfacer a los sunís."