Los atascos tomen la 'Y' polos trabayos de meyora d'un carril en Xixón direición a Uviéu y Avilés

Los conductores que garraron esti martes la 'Y' en Xixón con direición a Uviéu y Avilés vivieron a primer hora atascos d'hasta cuatro quilómetros que foron remitiendo según avanzó'l día. Fomentu recomienda usar l'AS-II pa evitar retenciones.

La razón d'estos problemes de circulación ye'l trabayu de meyora de l'autopista a l'altor del banzáu de San Andrés de los Tacones, una actuación más que necesaria dau l'estáu del formingón. Éstos empezaron ayeri de nueche y van allargase hasta'l xueves tres la decisión de Fomentu de nun facelo na fin de selmana, como demanda'l Gobiernu, dexando namái un carril pa la circulación nesti tramu, lo que provoca un tráficu más sele.

Los conductores afeutaos son los que van de Xixón a Uviéu y los que se desplacen a Avilés, al Aeropuertu d'Asturies y al occidente del país. Pa los que se dirixen al sur, Fomentu recomienda garrar l'autovía AS-II que percuerre parte de la carretera vieya a Uviéu, mentes que pa van hacia l'oeste la meyor opción ye la AS-19, sobre manera pa los conductores que circulen n'hores puntes.