García Granda y Muñiz van a una segunda vuelta

Los dos candidatos a rector firmaron un empate téunicu y van dir otra vegada a les urnes el xueves próximu.

Foi José Muñiz el vencedor al sumar un 34 por cientu del votu ponderáu, poco más d'un puntu que Santiago García Granda (32,97) que, sicasí, foi l'aspirante que sumó más votos: 2107 por 2017. Non mui lloñe quedó Pedro Manuel Sánchez Lazo, con un 25,39 por cientu (1844 votos), mentes qu'Agustín Costa, l'únicu candidatu que nun sofita'l 'respetu y fomentu de la llingua y cultura asturiana' na Universidá d'Uviéu, rexistró un curtiu 7,79 por cientu (360 votos).

Esta situación obliga a dir a una segunda vuelta a Muñiz y García Granda, que va celebrase'l xueves, y na que ye difícil afitar un pronósticu.

Tweet n'asturianu

García Granda, tres conocer el resultáu, espublizó un tweet n'asturianu nel que daba les "Gracies a tola comunidá de #Uniovi por permitinos siguir con ilusión renovada'l nuesu camín al Rectoráu". El caderalgu de Química Física vien emplegando la llingua asturiana mientres tola campaña eleutoral, na que se comprometió a dotar de mayor entidá a los estudios d'asturianu y a crear una Oficina de Normalización Llingüística na Universidá d'Uviéu, ente otres munches midíes.