La comunidá universitaria escueye al sucesor de Gotor

Cuatro candidatos aspiren a ser rector.

Hasta les 19 hores un total de 24.957 de persones con derechu a votu van escoyer el que será próximu rector de la Universidá d'Uviéu que sustituya a Vicente Gotor tres ocho años nel cargu. Nestes eleiciones, de les más abiertes que se recuerden, presentáronse Santiago García Granda, Agustín Costa, José Muñiz y Pedro Sánchez Lazo.

Toos ellos, cola esceición única de Costa, sofiten el 'respetu y fomentu de la llingua y cultura asturiana' que demandaron Asamblees Abiertes de la Universidá d'Uviéu y el Conseyu d'Estudiantes de la Universidá d'Uviéu. Amás, García Granda comprometióse a dotar de mayor entidá a los estudios d'asturianu y la creación d'una Oficina de Normalización Llingüística, a lo qu'hai que sumar l'emplegu del idioma na so campaña eleutoral.