Día caberu pa matriculase nel cursu d'asturianu d'El Remediu

Tien 30 hores de llargor y entámalu la SNL de la 'Comarca de la Sidra' xunto cola asociación de vecinos de la población naveta.

De nivel básicu, esti cursín va dase los llunes y miércoles de 17.30 a 19 hores nos llocales del Centru Social d'El Remediu hasta'l 6 de xunu. Les clases van principiar güei, fecha hasta la qu'entovía ye posible matriculase.

Pa ello los interesaos han de ponese en contautu col Serviciu de Normalización Llingüística de la 'Comarca de la Sidra' nel teléfonu 985.71.84.13 (hasta les 15.30 hores) o nel corréu electrónicu normastur@lacomarcadelasidra.com. Tamién pue tramitase la matrícula al traviés de l'Asociación Vecinal d'El Remediu nel mail lenarviado@gmail.com.

Pablo Suárez Fernández, filólogu, especialista en llingua asturiana y responsable del SNL, va encargase de poner les clases.