Juan Gelman recibirá esti miércoles el Premiu Cervantes

"El poeta arxentino Juan Gelman, que recibirá'l próximu miércoles el Premiu Cervantes 2007, reconoció escribir ""namás en lexítima defensa de la poesía"", sorrayando qu'un versu ""nun ye un arma que pueda usase escontra un dictador"".

Amenazáu de muerte, con una nuera embarazada y un fíu desapaecíu, Gelman tuvo de fuxir d'Arxentina en 1975. Hai poco alcontró a una de les sos nietes desapaecida na dictadura dempués de venti años de busca. Sicasí, pal Premiu Cervantes 2007, la so esperiencia vital y el dolor del exiliu, tamién ficieron por ""arriquecer"" la so vida y la so poesía, onde fai siempre por frayar les muries formales del llinguax.

""Toles mios esperiencies na vida emburriáronme a frayar les llendes de la llingua, non como un xuegu, sinón como una necesidá espresiva"", reconoció.

El próximu miércoles 23 d'abril - día del llibru y cabudañu de Miguel de Cervantes - recibirá'l preciáu galardón de les manes del rei nel Paraninfu de la Universidá d'Alcalá d'Henares. La exa argumental del so discursu d'agradecimientu será Cervantes y dalgunos de los temes que lu arrodien y suxeren. ""El Premiu Cervantes ye'l más preciáu de les lletres hispanes y namás que'l nome yá convoca bayura de coses"", aseguró Gelman."