Marián García y Xurde Fernández presenten "El color del escaezu"

"Esti miércoles 23 d'abril, y coincidiendo col Día del Llibru, los autores Marián García y Xurde Fernández presentarán, nel Centru Polivalente de Candás, la so obra ""El color del escaezu"".

Marián García y Xurde Fernández, dambos docentes de llingua asturiana n'Institutos de la zona del Cabu Peñes, asoleyen con esta obra, espublizada pola Editorial Trabe, el que ye'l so primer llibru de narrativa escrita a cuatro manes. ""El color del escaezu"" ye una novela na que lo real y lo irreal inflúin nel destín del protagonista.

La presentación, sofitada pol Conceyu de Carreño, el Serviciu de Normalización Llingüística y el Teatru Prendes, entamará a les 19.00 hores."