Los conceyos de Piloña y Valdés van contar con sede xudicial nueva

El Gobiernu va invertir 1,5 millones en delles actuaciones dientro del Plan Direutor d'Infraestructures Xudiciales 2015-2025.

Guillermo Martínez, conseyeru de Presidencia y Participación Ciudadana, informó sobre los planes del Executivu pa dotar de medios materiales a l'alministración de xusticia n'Asturies mientres la so comparecencia na comisión de Presidencia y Participación Ciudadana de la Xunta Xeneral. Les actuaciones más destacaes son les sedes xudiciales nueves que van tener Piloña y Valdés, amás d'otres obres de meyora (reformes, rehabilitaciones y arreglos) n'otros allugamientos del país.

La de Piloña va asitiase en Xudes, triplicando la superficie del edificiu actual, y va prestar serviciu a los ciudadanos de Piloña, Nava y Cabranes, con entrada en serviciu pa primeros del añu qu'entra. Les obres en Valdés, mentes, tán previstes que comiencen a finales d'esti añu con una partida cercana al millón d'euros.