L'ADBA, a la espera de la decisión del Comité de Disciplina Deportiva

"L'ADBA ganó al Arxil de Pontevedra pol resultáu de 66 a 77 y esta victoria, xunto a la derrota del Bembibre col Estudiantes, faen que'l la decisión que'l vienres tome'l Comité Español de Disciplina Deportiva - que ye un muérganu del Conseyu Superior de Deportes- seya decisiva pa saber si se tien de xugar el partíu qu'a les avilesines-yos diera por perdida la Federación Española de Baloncestu col Bembibre, cuando l'ADBA tenía a delles xugadores males y con mancadures y pidieran l'aplazamientu, siendo sancionada cola derrota y un puntu menos na clasificación.

No tocante al partíu hai que dicir que les asturianes nun salieron centraes y nun xugaron bien d'entamu y l'enfotu por ganar pasó-yos factura, nel segundu cuartu les coses ameyoraron al tar más acertaes defensivamente y al descansu'l resultáu yera d'empate a trenta y cuatro. Nel tercer cuartu l'equipu avilesín centróse y púnxose delantre nel lletrónicu y nesta parte y nel entamu'l caberu cuartu xugó los sos meyores minutos, lo que-yos valió pa ganar el partíu.

Gran partíu de Jerica Watson con cuarenta y cinco puntos de valoración, llogrando dobles figures -trenta y cuatro puntos y catorce rebotes- y faciéndo-y once faltes personales.

Ficha técnica:

C. B. Arxil Comervía:
AnaMartín (1), Marta Cobián (4), Verónica Sánchez (19), Tatiana Gómez (16) y Tamara Milovac (4).
Tamién xugaron: Sara Krasinirova, Rumyana Nikolovska (13), Natalia Soage (5) y Sandra Entenza (4).

ADBA:
Verónica Alonso (5), Anna Boleda (15), Iratxe Cabrera (4), Jerica Watson (34) y Zora Skrabalova (6).
Tamién xugaron: Carla González (9) y Debora Abreu (4).

Árbitrios: Raúl Alonso y Francisco Javier Martínez.

Nel ADBA foi eliminada por cinco faltes personales Zora Skrabalova y nel Arxil Ana Martín y Tatiana Gómez.

Partíu de la ventésima sesta xornada de la Lliga Femenina 2 Grupu A, xugáu nel Pabellón Municipal de Deportes de Pontevedra.

Parciales per cuartos: 13-11, 21-23, 14-23 y 18-20."