Fina a los 41 años la Pastorina del Cares

La música asturiana, de llutu.

María Sánchez Blanco, la Pastorina del Cares, dexónos esta fin de selmana por mor d'una enfermedá llarga que l'apartara de los escenarios nos últimos tiempos. Detrás dexa una llarga carrera d'ésitos dientro'l mundu de la tonada y un bon recuerdu ente los artistes del xéneru.

Nacida en Robriguero nel 1974 nuna familia de doce hermanos, la cantante deprendió de la mano de Diamantina Rodríguez, participó en delles grabaciones y llegó a sacar un álbum propiu, de nome 'Aires de Peñamellera'. Sánchez Blanco finó en Xixón, pero'l so funeral celebróse nel so pueblu, onde descansarán los sos restos.