22 d'abril, Día Internacional de la Tierra

"Esti martes 22 d'abril se celebra'l Día de la Tierra con actos per tol mundu. N'España, y baxo'l llema ""Frente al cambio climático, menos CO2"" tán convocaes bayura de manifestaciones en ciudaes como Bilbao, Córdoba, Guadalajara, Las Palmas, Logroño, Madrid, Mérida y Xixón.

Dende les organizaciones ecoloxistes vien avisándose dende hai bien de tiempu de los peligros que pa la vida na tierra tienen les consecuencies derivaes del cambiu climáticu. La deforestación, la fusión de los glaciares y la falta d'agua afeuten yá a dos tercios de la población mundial.

Esta población, concentrada sobre manera nel conu sur del planeta, vien sufriendo les consecuencies de les emisiones de CO2 na producción d'alimentos, les torgues p'atopar suministros d'agua y poro, la salú pública"". Según un informe ellaboráu por delles organizaciones, ente les que s'atopaben Greenpeace o WWF/Adena, ""cada añu muerren lo menos 150.000 persones por causes direutamente rellacionaes col calentamientu global"".

En cifres, calcúlase que la crisis de l'agua perxudica a 2.400 millones de persones, anque se siguir a esti ritmu nel 2025 podría algamar al 60% de les persones del planeta. Esta realidá ye más fuerte n'América Llatina, onde nel 2005 tuvieron llugar 26 tormentes tropicales y 14 furacanes, fenómenos ""de proporciones muncho mayores que n'otres dómines"". Sicasí'l continente más perxudicáu ye l'africanu, onde'l 70% de la población vive de l'agricultura y calcúlase que'l 33% tien malnutrición."