Dellos coleutivos llamen a manifestase escontra'l plan enerxéticu asturianu

"Esti domingu 20 d'abril, y coincidiendo colos actos del ""Día de la Tierra"" que se celebren en tol mundu, dellos coleutivos ecoloxistes, vecinales, sociales y políticos, tienen convocada una manifestación en Xixón en protesta pol ""modelu industrial asturianu, que dexa la mayor tasa de CO2 por habitante d'España y Europa"", asina como polos ""numberosos proyeutos que sigue preparando'l Gobiernu asturianu"" ente los que s'atopen: la planta regasificadora d'El Musel, delles centrales térmiques de gas, una central térmica de carbón, trés nueves llinies eléctriques d'alta tensión y 15 subestaciones eléctriques.
La manifestación, que saldrá de la playa de Pando (Poniente) a les 12.30 hores del domingo, llevará'l llema ""Frente al cambio climático menos CO2. ¡Regasificadora Non!"".

Asina, los coleutivos quieren sorrayar ""el fuerte impactu que supón la plata regasificadora d'El Musel, pol riesgu que supón y porque ye una condena a siguir col modelu de producción d'enerxía pa otres rexones"", ""ensin qu'esto dexe p'Asturies más que riesgos, impactu ambiental y contaminación"".

La Plataforma ciudadana "Regasificadora Non" yá lleva entamaes delles movilizaciones, ente les que rescamplen la recoyida de firmes, los actos de protesta de toa mena, como la concentración nel esterior del Palaciu los Deportes de la Guía de Xixón, onde José Luis Rodríguez Zapatero participaba nun mitin; o la presentación d'una moción nel Ayuntamientu de Carreño por parte del conceyal d'UNIDÁ - Andecha Carreño."