Entama la IX Cumbre galaico-asturiana en Santiago Compostela

"El presidente del Principáu, Vicente Álvarez Areces, xunta con seis conseyeros del Gobiernu Asturianu, participen na IX Cumbre galaico- asturiana que va celebrase a partir d'esti vienres en Santiago de Compostela. Los aconceyamientos de tipu sectorial entamarán a les 17.30 hores d'esta tarde y a les 19.00 hores ta prevista una reunión ente'l presidente de la Xunta de Galicia, Emilio Pérez Touriño, y el d'Asturies.

Les meses sectoriales tratarán temes venceyaos a l'Alministración, Economía y Ciudadanía; Bientar Social y Salú; Infraestructures y Territoriu; Educación ya I+D+i; Mediu Ambiente y Desarrollu Sostenible y Desarrollu Rural y Pesca, tal y como informó'l Principáu pente medies d'un nota prensa.

La delegación asturiana ta compuesta polos conseyeros de Presidencia, Xusticia ya Igualdá, María José Ramos; Economía y Asuntos Europeos, Jaime Rabanal; Educación y Ciencia, José Luis Iglesias Riopedre; Bienestar Social, Pilar Rodríguez Rodríguez; Salú y Servicios Sanitarios, José Ramón Quirós; Infraestructures, Política Territorial y Vivienda, Francisco González Buendía, y Mediu Ambiente y Desarrollu Rural, Belén Fernández González.

La cumbre siguirá hasta'l mesmu sábadu. A les 12.15 ta prevista la presentación de conclusiones por parte de los presidentes de dambes comunidaes."