"Historia Universal de Paniceiros" en llingua catalana

"La editorial Adesiara acaba espublizar la novela del escritor asturianu Xuan Bello, ""Historia Universal de Paniceiros"", en llingua catalana. Adesiara ye una editorial especializada na torna de testos d'autores reconocíos de diferentes llingües.

Xuan Bello ye autor de distintos xéneros, ente los que s'atopen la poesía, la prosa o l'ensayu. Escritor perconocíu nel ámbitu de les lletres asturianes, cola versión castellana de ""Historia Universal de Paniceiros"", qu'espublizara nel añu 2002, algamó'l premiu Villa de Madrid, siendo ún de los llibros más reconocíos del añu."