El CAO anuncia nueves movilizaciones

"El Conceyu Abiertu pola Oficialidá convoca, pal próximu llunes 21 d'abril a les 8.30 hores, una nueva concentración énte la Xunta Xeneral del Principáu, coincidiendo otra vuelta cola xunta que van celebrar los grupos políticos con motivu de la ellaboración del nuevu testu pal Estatutu d'Autonomía d'Asturies.

El CAO tien previstes movilizaciones pa ""tolos díes qu'aconceye la ponencia, seya'l día que seya y a la hora que tea convocada"". Con esto la organización, qu'axunta a bien d'organizaciones sociales, sindicales y polítiques, quier demostrar que ""la sociedá asturiana ta pola oficialidá"". Asina mesmo anuncien otru tipu d'aiciones, que cuenten repetir ""hasta que fine'l procesu de reforma pa denunciar que se ta negando un drechu civil nuna sociedá democrática"".

El Conceyu Abiertu pola Oficialidá nació nel añu 2005 col envís d'axuntar a toles persones, coleutivos sociales, políticos y sindicales esmolecíos pola situación de billingüismu desequilibráu que vive Asturies, recoyendo yá nel so manifiestu fundacional como oxetivu cimeru ""la necesidá inescusable de que la futura reforma del Estatutu d'Autonomía d'Asturies incluya la declaración d'oficialidá de la llingua asturiana"". Reforma que ta debatiéndose anguaño."