Aprobáu'l proyeutu d'investigación de la Cueva del Sidrón

"El Gobiernu del Principáu d'Asturies aprobó'l miércoles un protocolu al conveniu marcu de collaboración cola Universidá d'Uviéu pa la investigación de la Cueva del Sidrón nos ámbitos de l'arqueoloxía, la xeoloxía y l'antropoloxía.

El proyectu naz de los estudios y datos algamaos n'anteriores campañes y el so oxetivu ye ellaborar el material museográficu pal Centru d'Interpretación del Sidrón, de próxima constitución.

L'investigador principal d'esti proyectu ye'l profesor Javier Fortea Pérez. La direición de les escavaciones arqueolóxiques va correr a cargu de Javier Fortea Pérez y Marco de la Rasilla Vives, dambos docentes de la Universidá d'Uviéu, y los estudios arqueolóxicos van facese nel Área de Prehistoria del Departamentu d'Historia de la institución académica asturiana.

La investigación de los restos oseos humanos va realizase nel Muséu Nacional de Ciencies Naturales de CSIC baxo la coordinación d'Antonio Rosas González. De la mesma manera, la Conseyería de Cultura y Turismu comprométese a caltener acondicionada la cueva coles instalaciones necesaries pa que se puean executar na mesma los trabayos arqueolóxicos."