Antón García participa nos talleres de llectura de Villaviciosa

Esti xueves a les 18.30 hores nel salón d'actos del Centru Cultural Capistrano.

El Serviciu de Normalización Llingüística de la Comarca de la Sidra entama esta actividá qu'avera a los participantes del taller de llectura n'asturianu al autor del llibru que tán lleendo. Nesta ocasión el convidáu ye l'escritor, críticu y estudiosu de la lliteratura asturiana Antón García, que vendrá a falar al rodiu de la so última novela, 'Crónica de la lluz y la solombra', ganador del XXXV Premiu Xosefa Xovellanos, correspondiente al añu 2014.

Nacíu en Tuña nel añu 1960, García tien tamién espublizaes les noveles 'El viaxe' (1988) y 'Díes de muncho' (1998), colos que yá ganara'l Xosefa Xovellanos n'ediciones anteriores. Tamién algamó'l Teodoro Cuesta de poesía y otros como'l de la Crítica d'Asturies o'l Fernandez, axuntando la so poesía completa nel volumen 'La mirada aliella' (2007). En 'Crónica de la lluz y la solombra' recrea un crimen real cometíu en 1987, asina como'l posterior procesu xudicial y execución en Tinéu, la cabera que se fixo en plaza pública na historia d'Asturies.