Ayande tendrá un centru d'interpretación de la historia

"El conceyu d'Ayande, nel Suroccidente asturianu, va tener un centru d'interpretación de la historia y el patrimoniu. L'equipamientu tará asitiáu na ""Casa'l Médicu"", na capital del conceyu.

L'aprobación d'esti proyeutu tuvo llugar esti miércoles durante l'aconceyamientu de la comisión de siguimientu del Plan de Dinamización Turística de la Comarca Vaqueira, nel que participen, amás del Ayuntamientu d'Ayande, los conceyos de Salas, Cuideiru, Tinéu y Valdés. El centru va tener dos carauterístiques: per un llau será la sede del centru de receición de visitantes y la oficina d'información turística, y per otru tendrá un espaciu dedicáu a la ""rica cultura, etnografía ya historia"", según apuntó'l presidente de la Mancomunidá de la Comarca Vaqueira y alcalde de Salas, José Manuel Menéndez."