Díes caberos pa matriculase nel cursu avanzáu de la XDLA

Les clases empiecen esti martes n'Uviéu.

Esti cursu d'afondamientu llingüísticu ta empobináu p'aquelles persones adultes con conocimientos básicos d'asturianu, cola fin de "poder perfeccionase nel bon usu del idioma tanto a nivel escritu como oral, amás de nes rellaciones ente llingua y sociedá". Tien un llargor de 40 hores y va desendolcase los martes y xueves, de 19 a 21 hores —horariu provisional hasta contautar y apautar cola xente matriculao— nel llocal de la Xunta pola Defensa de la Llingua Asturiana (XDLA), Conceyu Abiertu, asitiáu na cai La Gascona, númberu 12. Héctor García Gil va encargase de poner clase.

El preciu de la matrícula completa ye de 20 euros, con tolos materiales incluyíos, y pa inscribise nun fai falta tener nenguna titulación o profesión concreta, anque sí conocimientos del idioma. La xente interesao nesti cursu pue apuntase llamando a los númberos de teléfonu 985.22.95.53 o 679.650.998, o al traviés del corréu electrónicu info@exunta.org.

La XDLA ye una entidá organizadora d’actividaes de formación permanente del profesoráu reconocida pola Conseyería d'Educación y Deporte.