Gausón Fernande espubliza una guía sobre'l traxe'l país

"Caxastur acaba espublizar la guía ""El paxellu asturianu o traxe'l país"", escrita por Gausón Fernande Gutierri y que fai un percorríu pol traxe asturianu. Esta ye la décima entrega d'una coleición que fai por esparder el patrimoniu cultural d'Asturies.

Dempués de les guíes ""Bares-Tienda d'Asturies"" y ""La casa tradicional asturiana"" llega'l turnu d'analizar el vistir asturianu, descritu pieza a pieza por Gausón. Al traviés de los diferentes sieglos y hasta nos diferentes conceyos, el vistíu amuésase como seña d'identidá non sólo d'homes y muyeres, sinón tamién de les distintes estayes sociales de cada momentu.

Gausón Fernande Gutierri ye natural de La Vera'l Camín (Turón), miembru de la Fundación Belenos, munchos de los sos trabayos apaecen espublizaos na propia revista de la Fundación, Asturies: memoria encesa d'un país.

La guía ta escrita en castellán y asturianu y cuenta con reproducciones de grabaos y semeyes del sieglu XIX, xoyes de la cultura asturiana poco accesibles pal públicu non especializáu.

'El paxellu asturianu o traxe'l país' ta yá a la venta y tien un preciu de 20 euros."