El Parlamentu Européu quier aplicar sanciones escontra los vertíos illegales

"El Parlamentu Européu propón la imposición de ""sanciones nel marcu del drechu penal"" pa les actividaes non llegales y contaminantes del mediu ambiente, sobre manera les qu'impliquen un ""vertíu illegal de residuos peligrosos nel territoriu d'otros países"" de la Unión Europea.

Amás de llamentar que la UE nun cumpla colos oxetivos marcaos pa la proteición del mediu ambiente o la baxada del ruíu nes ciudaes, los eurodiputaos defendieron un nuevu indicador de bienestar que sustituya al PIB y tenga en cuenta l'impactu del desarrollu nel entornu y la salú.

Nesti sen, consideren ""llamentable"" que la revisión del Sestu Programa d'Aición Comunitariu no tocante al Mediu Ambiente, pa los años 2002-2012, lleve un retrasu d'un añu, criticando amás que la UE ""nun cuente cumplir col calendariu d'execución"" de les aiciones previstes por esti programa no que cinca a les emisiones, la eficiencia enerxética y la calidá del aire, ente otros.

Por too ello la Eurocámara propón facer más dures les midíes qu'hai anguaño y ellaborar otres nueves cuando se faiga la revisión. Asina, pidió-y a la Comisión que presente una propuesta direutiva revisada y relativa a les llendes nacionales d'emisiones, defendiendo la inclusión de los fueos fiscales pa promover la conservación de la ñatura y evitar la contaminación."