La Universidá d'Uviéu celebra una nueva sesión de "La Universidá Abierta"

"La Universidá d'Uviéu celebra esti sábadu, dientro de los actos que conmemoren el IV Centenariu de la institución académica, una nueva sesión de la ""Universidá Abierta"" que va entamar con una sesión de títeres, siguida por una actuación en direutu, una mesa redonda lliteraria, la entrega de premios del IV Centenariu y trés conciertos d'entrada llibre nel Edificiu Históricu.

A les 12.30 hores tendrá llugar la representación de la compañía ""Yheppa Títeres"" con una espectáculu sobre la igualdá ente muyeres y homes col títulu: ""Dos historias llenas de poesía y buen humor"". A les 13.30 hores actuará en direutu'l grupu de jazz ""Los Trastornados"" y a les 18.00 tendrá llugar una mesa redonda ""Nuevas narrativas: el microrrelato asturiano"", en comuña cola Asociación d'Escritores. Nella intervendrán: Xuan Santori, Antonio Valle, Diego Medrano y Paula Pulgar Alves, moderaos por José Havel.

La entrega de los premios del IV Centenariu, a les 19.00 hores, y la música en direutu, pondrán el ramu d'esta xornada, na que rescampla la presencia del grupu de pop electrónicu ""NEOTIC"", los ""Redentores y el so repertoriu soul y el grupu francés d'afrobeat ""FANGA"", que presentará'l so últimu discu ""Natural Juice""."