ALSA merca otra empresa en Llión

La empresa de tresporte per carretera Alsa sigue espardiéndose per fuera d'Asturies, y ta acabante de dar otru pasu pa facese col mercáu del otru llau del cordal cola alquisición del 100% de la empresa Ramos SA, qu'operaba pa la parte de La Bañeza, con llinies de autocares per el Páramo y Órbigo

Alsa entró en Llión nel añu 1995 cola compra de la empresa Fernández, la más importante del tresporte interurbanu de viaxeros de Llión. Nel añu 2.001 la presencia de los Cosmen na comunidá vecina dió un reblagu cola merca de Convauto, concesionaria de los autobuses de la capital y que llegó a face-y competencia a Alsa al facese con antigües concesiones d'empresa Fernández cola xida de que pasaben pela ciudá.