El SIDA recula n'Asturies

Con motivu de la celebración esti llunes del Día Mundial del SIDA, la Conseyería de Salú y Servicios Sanitarios asoleyó ayeri los datos de la incidencia de la enfermedá n'Asturies. Según los datos del Programa de Prevención y Atención a persones conVIH de la Conseyería de Salú y Servicios Sanitarios, no que va d'añu contáronse 29 persones que desarrollaron el mal y otres 119 que s'infestaron del virus. los más de los casos nuevos de VIH contaxáronse per vía sexual, una causa que nel 1990 representaba'l 22,2% de los contaxos y qu'esti añu llega al 41,4%. los más de los contaxos sexuales son en rellaciones heterosexuales y asina'l perfil mediu del afectáu ye'l d'un home d'ente 30 y 39 años. Por árees sanitaries, Uviéu lleva rexistraos 58 casos nuevos de VIH y l'area de Xixón 37. Estos númberos suponen una mengua de la incidencia del mal, al mesmu tiempu qu'un aumentu de los contaxos per vía sexual.

En total, según los datos de la encuesta de recursos hospitalarios, nel 2002 el SIDA afectaba a 1.451 asturianos y asturianes, recibiendo'l el 81,46% d'ellos atención nes árees centrales (Avilés,Uviéu y Xixón), recibiendo'l 78,08% d'ellos tratamientu antirretroviral.

Respective a la mortalidá, nesti añu diose tamién una menguadel dañu de la enfermedá.

La Conseyería sorrayó que l'alministración lleva reconociendo-yos reconoció la minusvalía a 674 pacientes, dellos con calter permanente y otros revisable, anque los más d'ellos con una tasa de minusvalía penriba del 65%. Como actuaciones pal 2.004, l'oxetivu va tar na meyora de les polítiques de prevención empobinaes a la población mozo y l'actuación sobre colectivos en situación d'esclusión social.