Premios de l'Academia

L'Academia de la llingua Asturiana ta acabante de convocar la edición del 2004 de lo sos tradicionales Concursos. Esti añu, la institución académica fai convocatories nes estayes d'investigación, llectures pa rapazos, lliteratura (premiu Llorienzu Novo Mier") recoyida de material lliterario oral, recoyida de material lliterario escrito (Premiu Federico Fierro) pa testos asoleyaos o ensin asoleyar escritos enantes de 1970, obres orixinales de Teatru con tema llibre y Curtios de cine, esti con 1.200 euros de premiu.

El concursu d'investigación tien delles categoríes, que son recoyida de material toponímico oral, recoyida oral de léxicu asturianu, investigación llingüística y investigación sobre lliteratura asturiana, cauna con 600 euros de premiu, anque'l xuráu podrá dar hasta 3 accésits, ún de 300 € y dos de 150 €, en caúna de les modalidaes. El concursu ta peslláu a la participación de los académicos de la institución y tampoco nun puen presentase a los premios les tesis doctorales. la fecha tope pa presentar los trabayos en toles categoríes ye'l 14 de xineru de 2004 y les bases puen consultase nel últimu númberu de Les Anuncies de l'ALLA