Sporting 2 - Elche 0

La visita del Elche, un equipu estráu de xugadores de primer división y que tien como tarxeta de presentación ser el meyor equipu fuera de casa no que va de lliga pintaba como una preba definitiva pa ver si'l Sporting yera esti añu un equipu seriu o si diba desinflar a la primera. Ello foi que dende'l primer momentu los asturianos controlaron al rival, faciendo muncha presión y ennortiaos pa contra la portería contraria. Sicasí, el bon xuegu de los asturianos, nel que rescamplaron Bauzá, Juan y Miguel, tardó en cuayar en gol. El croata Mate Bilic marcó cuando escosaba la primer parte, pero l'arbitrio anulolu por un orsay que naide nun vio más qu'elli. De cualquier manera, Tasevski (ex Sporting) fizo-y un favor al antiguu equipu en que xugaba. Con 10, el Elche foi una solombra y na segunda parte Mario y Bilic, que, a la fin, parez que quitó la cigua, firmaron un trunfu que guapamente pudo ser goleada. Agora el Sporting ta a 5 puntos del ascensu na sétima plaza de la tabla, y lleva con esti trés partíos ganando en casa.