Protesta pol rechazu al asturianu na DO de la sidra

La Xunta pola Defensa de la Llingua reaccionó esta selmana énte la decisión del Conseyu Regulador de la D.O. "Sidra d'Asturies" pa quexase de la falta de compromisu del ente col emplegu del idioma asturianu. De la que se presentó la D.O va un mes, tola propaganda, documentación y etiquetes del Conseyu apaecieron esclusivamente en castellanu, lo que disgustó enforma al públicu asturianista, que contaba con qu'un productu tan identitariu de la imaxe d'Asturies nunca nun diba refugar l'asturianu en cuantes que ye l'idioma nel que ta tol vocabulariu rellacionáu cola sidra. La Xunta pon como exemplu a siguir el del País de Gales, tierra tamién de sidra y na que'l Cymdeithas Seidr Cymru emplega'l galés pa etiquetar el productu