Cave Canem, un folk de tolos llaos

"L'Aguañaz" propón un nuevu trabayu
discográficu con "Cave Canem".



Esta banda propón una forma diferente de pensar el folk fecho
n'Asturies. "Cave Canem" trabaya con composiciones propies, y por
composiciones que nun s'inspiren na tradición asturiana. L'apueste ye
arriesgáu pal mercáu musical asturianu, acostumáu a unos
parámetros del folk mui claros. Pa poder facese una idea de que lo que
faen, podemos pensar nun grupu que viénsenos a la cabeza cuando
escuchamos a "Cave canem",
"Gwendal".



El grupu ta compuestu na sección melódica por Paula
Alonso, antigua componente del desapaecíu grupu "Folkgando",
vigulinista y compositora de les más de les canciones y Rubén
Martínez xiblata de travesu y flautín. Estes dos persones son les
que lleven el pesu del grupu, principalmente'l vigulín, yá que
son los que desenvuelven la melodía nun discu con solo tres temes
cantaos. Acompañen a estos dos músicos Milio Fernández
cola guitarra acústica, Luis Rodríguez (antiguu

"Folkgando" tamién)nel baxu eléctricu y el
conocíu percusionista del folk asturianu Daniel Lombas na
batería. Collaboraron xente como Rubén Mol y Paco Martínez
nes bateríes, Ángel Ruiz col banjo, Xune Elipe nunos coros y
Canor Fernández faciendo lletres.



Pa descubrir a "Cave Canem" lo meyor ye escuchar esti discu,
pa saber si l'apueste del grupu va tener bona acoyida por parte del grupu. El
tiempu dirános si hai sitiu nel folk asturianu pa esti estilu.