Gasolina y querosenu, los que más tasa van llevar

El Conseyu de Gobiernu d'ayeri vienres dio de pasu la Llei d'Acompañamientu de los Presupuestos Xenerales d'Asturies pal 2.004, qu'apauta la tasa final a la venta minorista d'hidrocarburos. A la fin la "tasa de la gasolina" va quedar en 0' 24 céntimos d'euru euros per llitru pa la gasolinay pal querosenu, 0'2 pal gasoí d'automoción (gasoí A) mientres que'l gasoí tipu C (usos agrícoles y calefacciones) va tassase en 0,06 céntimos el llitru (6 euros latonelada) y el Fuelólio en 1 euru per tonelada. En rellación a esti nuevu impuestu, qu'Asturies, Madrid y Galicia son les úniques comunidaes n'aplicar haasta agora, el Principáu diz que va promover una propuesta llexislativa énte'l Gobiernu estatal pa que-y faiga una consideranza especial al gasói profesional.

Otramiente, la Llei d'acompañamientu enxerta pequeñes reformes fiscales. Asina, la deducción por inversión en vivienda habitual va dobar la deducción del 2003 en casu de ser vivienda protexío, mientres que la d'alquiler tamién dobla la deducción (del 5% al 10%) en casu de ser vivienda rural. Nes tases sobre herencies, l'impuestu pol trespasu de la primer vivienda al heriede mengua y apúrrense meyores condiciones pa nun tener que pagala, como la obligación qu'esistía hasta agora de tener vivío los dos años últimos cola persona fallecida. L'impuestu sobre bienes inmuebles baxa tamién pa les empreses que merquen viviendes siempres que vayan dedicales al alquiler.