Ciclu de Cine Solidariu nel Centru Municipal "Xixón Sur"

"El Centru Municipal Integráu ""Xixón Sur"" va acoyer a lo llargo de los próximos cuatro sábados un Ciclu de Cine Solidariu, col estrenu de cuatro documentales de compromisu y temática solidaria.

Cada selmana cuenta proyeutase una cinta diferente con temes d'actualidá como la ecoloxía, el mediuambiente, la integración social o'l comerciu xustu. Asina, esti mesmu sábadu se proyeutará la película ""A ciegas"", una cinta de la direutora Lucy Walker que ye un retratu d'un exemplu de tolerancia ya integración.

Esti documental, rodáu nel Cordal del Himalaya, cuenta la historia de seis mozos tibetanos ciegos que quieren xubir la cara norte del Everest. Estos mozos, refugaos polos sos propios padres, los sos pueblos y la sociedá en xeneral, ufierten un exemplu de vida al dir muncho más allá de lo que cualesquiera d'ellos imaxinara."