Los funcionarios de Xusticia ampliarán el so horariu p'atender el trabayu pendiente

"Los funcionarios de l'Alministración de Xusticia trabayarán fuera del so horariu de trabayu pa ""desatascar"" los asuntos pendientes con motivu de la fuelga de xusticia que paralizó los xulgaos de les diez comunidaes autónomes, que tovía nun tienen tresferíes les competencies, durante dos meses, según esplicó a Europa Press el responsable de CSI-CSIF n'Asturies, Luis Pérez.

Los trabayadores de l'Alministración de Xusticia del Principáu van desarrollar ""un plan d'actuación"" que va consistir nun horariu flexible que va dende les 7.30 hores de la mañana hasta les 18 hores, amás l'horariu fixu de 9 a 15.00 hores. Ye dicir, un trabayador pue escoyer ente trabayar de 7.30 hores a 9.00, o per otru llau, garrar l'horariu de la tarde pa recuperar ente les 16.30 hores y les 18.00 hores.

Cada funcionariu va tener una retribución económica de 325 euros mensuales al trabayar esta hora y media estra. La retribución tien un máximu de doce puntos y caún cuesta 27,11 euros. D'otru llau, los trabayadores que tán de guardia a lo llargo'l fin de selmana van poder realizar tamién llabores p'adelantar trabayu, teniendo una retribución de 433 euros mensuales.

El Ministeriu de Xusticia tovía ta atropando información sobre los perxuicios de la fuelga indefinida anque pel momentu ""calcúlase qu'esta situación va allargase durante tres meses"", apuntó Pérez."