Güei xuégase l'Asturies-Escocia de Voleibol

La cita anual cola selección asturiana ye güei 29 d'avientu nel pabellón de deportes de "L'Arena" de Xixón.

Esti partíu va enfrentar a la selección absoluta femenina de voleibol d'Asturies cola selección correspondiente escocesa. L'encuentru entámalu la Dirección Xeneral de Deportes del gobiernu del Principáu y la Federación de Voleibol asturiana. Ye la forma de siguir cola tradición d'entamar un partíu d'una selección absoluta asturiana nes navidaes. N'años anteriores el fútbol, el hockei y el balonmano foron los deportes escoyíos. A les 20:00 hores van entamar los actos protocolarios previos al partíu, onde van interpretase los himnos de los dos países xuntando a una gaita escocesa y cola gaita asturiana d'Hugo Noval acompañáu por una representación de voces del Orfeón Xixonés.