Una tortuga de 400 kilos llega a Celoriu

Tres de l'apaición d'un pexe tropical va pocos díes nel occidente asturianu, el Centru pa la Protección y Estudiu de les Especies marítimes (Cepesma) ta acabante de dar parte de l'apaición nuna playa de Celoriu, conceyu de Llanes, d'una tortuga de la especie Dermochelys coriácea, de más de cuatrocientos kilos de pesu.

El Cepesma diz que se trata del primer afayu d'esta tortuga n'Asturies dende va más de trés años. Según la organización conservacionista, estes tortugues víense muncho per Asturies hasta la década de los 90, pero desapaeció de les nuestres costes al rau del so procesu d'estinción. Ello ye qu'estes tortugues que críen mayormente n'Indonesia, México y Costa Rica, pasaron en menos de diez años de tener una población aproximada de cerca de nueve mil femes reproductives a tener menos de dos mil. El comerciu colos sos güevos y carne, el dañu pola contaminación y los artes de pesca y, sobremanera, la urbanización creciente de la costa en tol mundu, cola presión humana sobre'l mediu qu'ello lleva arreyao, tan ente les causes del desaniciu progresivu d'esta tortuga. Trátase d'un animal tan sensible que pa poner güevos precisa d'escuridá dafechu, condición que cada vegada ye más difícil d'alcontrar nuna costa que va enllenándose d'alumbráu artificial