Iberdrola va poner una térmica de gas en Lada

El grupu nuevu, con 800 mw de potencia, va sustituyir al grupu III de l'actual térmica, que tien 156 mw y data de 1967, mientres que l'otru grupu de carbón que funciona anguaño (grupu IV de 1981 con 358 mw) va remocicase p'adaptalu a pautes nueves d'emisión de contaminantes que manda'l plan d'asignación d''emisiones contaminantes del Estáu. La fecha prevista pa la construcción d'esti grupu nuevu ye'l 2.008, añu en que pesllaría'l grupu III

Iberdrola ye la eléctrica que ta faciendo un apueste más importante poles centrales de gas a ciclu combináu, un tipu de producción menos contaminante que la xeneración con carbón y que ta imponiéndose ente les grandes eléctriques que preparen les sos indraestructures pa un escenariu de gran consumu de corriente como demuestra'l fechu de que nesta década la xuba del consumu enerxéticu vien a ser de cerca del 6% al añu mientres que les nueves normes d'emisiones contaminantes obliguen a emporcar menos.

La entrada en funcionamientu del grupu nuevu a gas va desaniciar definiitivamente'l vieyu grupu III, mui criticáu poles sos tases d'emisión de contaminantes, anque dende grupos ecoloxistes dizse que'l mayor númberu d'hores de funcionamientu del grupu IV suponía un mayor aporte d'emisiones ácides. D'otra manera, la construcción del grupu IV, que va duplicar elli solu la potencia instalao anguaño na cuenca'l Nalón supón la necesidá de llinies d'alta tensión qu'esporten la corriente que se produza, unes llinies como son la Soto-Penagos y la llinia Lada-Velilla que xeneraron polémica abonda.