Río Narcea ve-y traza a la mina de Salave

La multinacional minera Rio Narcea Gold Mines cuenta con sacar de la mina de Salave (conceyu de Tapia) cerca d'un millón y mediud'onces d'oru. Les cuentes de la empresa del Canadá na reserva del occidente astur suponen una gran reserva de mineral que daría pa una campaña de dellos años d'esplotación (anguaño salen de les esplotaciones de Boinás y Carllés cerca de 175.000 onces al añu). Según los estudios de la compañía, la capa de mineral más interesante asítiase n'horizontal ente 200 y 250 metros baxo'l suelu y presenta una concentración d'oru mui alta, d'ente 8 y 8,6 gramos d'oru por tonelada de tierra.

Salave ye una mina d'oru que s'esplotó en tiempu de los romanos. Nos años 40 del sieglu XX sacóse Molibdenu de la zona, y dende 1970 hai estudios sobre la viabilidá d'una reapertura que se convertieron en realidá al espropiar nel añu 1989 l'Estáu el terrenu como futura esplotación minera. La superficie tortal de la resrva mineral alcanza les 433 hectárees