Los bomberos d'Asturies, n'asturianu

La Conseyería de Xusticia, Seguridá Pública y Rellaciones Esteriores presentó la nueva dotación 2004 de coches pal serviciu de Bomberos d'Asturies.

Les 7 unidaes tienen l'esterior retuláu n'asturianu y van tar ascrites a distintes bases d'operaciones del serviciu 112

Dos autobombes urbanes pesaes p'Avilés y Llamorgal, dos furgonetes de socorru p'Avilés y Villaviciosa, y trés autobombes forestales pa serviciu en monte con bases en Cangas del Narcea, Tinéu y Cangues d'Onís, son la nueva dotación de coches pal serviciu de Bomberos d'Asturies, que supunxeron una inversión de 1.086.000 euros

La retulación d'estos nuevos coches incorpora'l diseñu corporativu del serviciu, obra del gabinete de diseñu "Gigia Publicidad" que ganó por esti diseñu el premiu naciona "Letra" de comunicación visual y gráfica d'entornu a la meyor rotulación d'una flota, pero camuda los lletreros en castellanu pola traducción asturiana "Bomberos d'Asturies"