CCOO llama al paru n'Arcelor

Comisiones Obreres ta acabante de convocar un paru de 24 hores nes factoríes d'Aceralia n'Asturies. La fuelga, que ta puesta pal día 28, faise contra'l plan llaboral que firmare la empresa con otres dos de les grandes centrales sindicales, UXT y USO, que representen a cerca del 65% de la plantiya.

El plan firmáu polos dos sindicatos supón más de 600 prexubilaciones, mayores condiciones de flesibilidá llaboral y una xuba de salarios del 2,5%.

Alberto Rubio, dirixente de CCOO, declaró que l'actuación de los otros dos sindicatos france la unidá d'acción sindical y supón un robu de la voluntá de los trabayadores, acusando d'irresponsabilidá a los otros dos sindicatos por nun firmar un alcuerdu que nun compromete a la empresa a facer invcersión nenguna fuera de la que suponen les prexubilaciones, lo que podría llevar al pieslle de fábriques enteres, casu de la de Veriña