El gallegu carlos Varela, academicu de la llingua gallega representado al Navia-Eo

Felipe Lubián, Hector Silveiro, Domingo Frades y Carlos Varela son los cuatro nuevos académicos de la Real Academia Galega (RAG) en representación de los dominios del "gallego esterior" . El Bierzo, Zamora, la "fala galega" de la provincia de Cáceres y el "occidente de Asturias" son estos cuatro territorios nos que la RAG ta acabante de nomar representantes.

Según la RAG con estos nomamientos trátase de de "reforzar aínda máis o seu compromiso coa defensa da lingua galega falada fora do territorio da Comunidade Autónoma de Galiza".

El fechu de que la institución cimera de la Llingua Gallega ponga un representante pal occidente asturianu nun s'entiende dende munches instituciones asturianes.

El director de la Oficina de Política Llingüística Ramón d'Andrés entiende que "nun tengo nada que dicir sobre lo que faiga la Real Academia de la Llingua Gallega, que ye mui llibre de nomar académicu a quie-y paeza bien, pero una cosa ye l'ámbitu académicu y otru'l políticu, y nesi toles competencies sobre'l Navia-Eo y el gallego-asturianu correspuenden a Asturies, colo qu'ehí nin la RAG nin la Xunta de Galicia tienen nada que facer independientemente de les valoraciones que caún tenga sobre'l planu llingüísticu"

Pa l'Academia de la Llingua Asturiana la valoración ye asemeyada. El secretariu de la institución, Roberto González-Quevedo esplicó a Asturies.com que "a falta de conocer meyor los términos del nomamientu por parte de la RAG" l'ALLa entiende que "l'autoridá llingüística y académica sobre l'occidente d'Asturies correspuénde-y a l'ALLA" mientres que l'autoridá política "ye de la Conseyería d'Educación d'Asturies, que ye la que regula l'enseñu de la fala o Gallego-Asturianu". L'ALLa ye más dura na so valoración del fechu, defendiendo que ye "incuestionable" l'asturianidá del Navia-Eo