Los Humanitarios de San Martín entamen un concursu de Monólogos

La Sociedá Humanitarios de Samartín de Morea (Ayer)
convoca'l Primer Concursu de Monólogos en collaboración cola
Conseyería de Cultura del Principáu d'Asturies. Dende
l'asociación ayerana quieren da-y un nuevu aire a esti xéneru
tradicional asturianu con esti concursu. Los monólogos que se presenten
van tener que tratar d'un tema d'actualidá social, política y
cultural, van poder tar en prosa o en versu, con un llargor d'un máximo
de cuatro folios en prosa, o ente 150 y 200 versos, amás van tener que
tar en Llingua Asturiana. El monólogu ganador va llevar 600 euros, y va
ser presentáu'l día 10 de payares nel actu del Pregón de
Fiesta de Samartín. Los trabayos pueden unviase a HUMANITARIOS DE
SAMARTÍN, apartáu correos 8, 33.670 - Morea (Ayer-Asturies), y el
plazu d'entrega ye hasta'l 25 d'ochobre. Pa lleer les bases completes de
concursu nun tenéis más que calcar equí.