70 años de la Revolución d'Ochobre

Setenta años dempués del entamu de la Revolución d'Ochobre de 1934 esti momentu decisivu na historia asturiana repercute entovía güei na sociedá y nos medios de comunicación, que-y dediquen llargos reportaxes a la comuna asturiana. Asturies.com quier sumase a l'alcordanza d'esti momentu históricu y pa ello vamos ufiertar a lo llargo d'estos díes un estoyu de llibros sobre la revolución del 34 y sobre'l contestu históricu que l'arrodia. La colección entama güei con una novedá apaecía esti añu "Los hombres de octubre" un llibru que recupera en primera persona los socesos del 34 contaos por Ignacio Lavilla, ún de los sos protagonistes.

D'otra manera, en Conceyu Abiertu convidamos a los nuestros llectores a participar d'una nueva entruga. Setenta años dempués, y yá casi ensin protagonistes vivos de la Revolución asturiana, que punxo a Asturies nel centru de l'actualidá europea ¿Qué perspectiva tenemos anguaño d'Ochobre del 34?