El Festival de Cine va asoleyando novedaes

'Enfants Terribles' la estaya de de cine infantil y xuvenil del Festival Internacional de Cine de Xixón, foi la primer sección a concursu en presentase de la 42 edición del festival, que va entamar el 25 de payares.

Un total de diez películes van participar nesta sección a concursu, que va abrir l'alemana "Rhythm is it!" de Thomas Grübe y Enrique Sánchez-Lansch. El programa complétenlu la finlandesa "Pearls and Pigs", de Perttu Leppä, "Quality of Life", del nortemaericanu Benjamin Morgan, la francesa "Moi, Cesar, 10 ans et démi, 1.39 m", de Richard Berry; la coproducción europea "Back to Gaya", de Lenard Fritz Krawinkel y Holger Tappe, "The Wooden Camera", de Ntshavheni Wa Luruli. Tamién va proyectase la española 'Supertramps', de José María Goenaga; la sueca "Hip hip Hora-The Ketchup Effect", de Teresa Fabik; la alemana "Balls", de Sherry Hormann, y la británica "Tooth", de Edouard Nammour. La organización del festival destacó que'l ciclu presenta películes de tolos xéneros, dende l'animación y les aventures a les qu'introducen temes como'l racismu o la identidá.

Estudiantes de Primaria y Secundaria d'Asturies van ser el públicu y el xuráu d'esti concursu, escoyendo ellos cual va ser la película que lleve los 10.000 euros del premiu