Areces promete vuelos baratos

Areces guardaba una baza pa torgar los ataques d'Ovidio Sánchez nel Debate. Dempués de que'l líder popular cuestionare la política turística y preguntare polos enllaces aéreos y el ferry, el Presidente dio anuncia de que "bien pronto" va haber "noticies positives" respective a les negociaciones que se tienen con delles empreses paechar a andar vuelos baratos dende l'aeropuertu de Ranón con países d'Europa. Álvarez Areces refirióse a Inglaterra y Alemaña como posibles destinos d'esos vuelos baratos,pero pidió prudencia y argumentó pa xustificar el qu'entovía nun haya vuelos baratos dende Ranón que la llegada d'estes compañíes "tien costes pal erariu públicu".

El popular Ovidio Sánchez retrucó qu'Areces lleva "ufiertando vuelos baratos dende l'añu 2.000" y recuperó una cita del presidente de la patronal FADE, Severino García vigón, que dixo que "gobernar Cantabria tien de ser mui fácil, porque val con atropar les oportunidaes que nun quier Asturies" en rellación a la llegada de Ryanair al aeropuertu de Santander.