Cultura pal Arango va tapiar la puerte del teatru

El colectivu "Cultura pal Arango" nun abandona la reivindicación pa facer del coliséu de Xixón un espaciu pa la cultura y les artes escéniques. Tres de la manifestación de la otra selmana, los representantes de la plataforma cívica organicen pa esta tarde (xueves 23 a les 19:00h) una concentración a la puerte del teatru de la Cai la Mercé na qu'un grupu d'actores va facer una actuación simbólica na que van llevantar un tabique a la entrada del teatru pa torgar la entrada nel edificiu de Corporación Dermoestética, empresa que tien intención d'aprovechar l'edificiu pa poner un centru clínicu.

Ún de los responsables de la plataforma, Toño Caamaño, del grupu de teatru "Nun Tris" esplicó que, anque "Corporación dermoestética" dio anuncia de que taba dimpuesta a abandonar el proyectu en casu de que se-y devolvieren les perres que lleva puestes, y anque'l conceyu de Xixón comprometióse a analizar un plan de viabilidá d'usos culturales pal edificiu, la situación ta nel aire y nun hai nada seguro sobre lo que pueda pasar, polo que convidó a participar nel actu d'esta tarde n'espera d'una nueva reunión con representantes del Conceyu de Xixón que se fadría en pasando la concentración de güei y na que tendrán de conocese posibles avances

Más información na web de la plataforma