El Sidrón aporta afayos nuevos

L'equipu d'arqueólogos que dirixe'l profesor Javier Fortea na Cueva del Sidrón de Piloña dio anuncia esta selmana de l'apaición de 74 nuevos restos humanos que vienen a confirmar la importancia de la cueva asturiana como ún de los afayos de neandertales más importantes de la península ibérica. Xunta los güesos apaecieron tamién dellos preseos piedra que podríen pertenecer al paleolíticu.

D'otra manera al equipu que trabaya nel Sidrón axuntáronse esta selmana trés xeólogos que tan faciendo muestreos de los procesos xeolóxicos que se socedieron na cueva p'apautar la rellación ente los afayos y les dómines a les que pertenecen.

Yá cuando se presentó l'actual campaña d'investigación, los arqueólogos sorrayaron la importancia d'El Sidrón como'l yacimientu neanderthal más importante de tola península y emponderaron la novedá y la calidá de los medios técnicos que diben emplegase nos llabores de la campaña, que tien un presupuestu de más de mediu millón d'euros.

Los güesos del Sidrón, atopaos hasta agora falen d'una antigüedá de cerca de 40.000 años, datación que pal caderalgu Javier Fortea confirmaría la esistencia n'Asturies d'una comunidá de neanderthales mui seronda nuna dómina en que l'homo sapiens entama a tener presencia nesti mesmu paisaxe, lo que-y daría más interés entovía al yacimientu.