El Farho Xixón Baloncestu ganó al Cornellá y frayó la riestra derrotes fora casa

"El Farho Xixón Baloncestu ganó al Cornellá pol resultáu de 70 a 85, frayando asina la riesta derrotes que veníen sofriendo fuera casa, pues nun ganaben dende'l dos de febreru.

La victoria foi cómoda y ante un rival que ta en plena crisis, pues cola d'esta xornada lleva ocho derrotes siguíes. Los xixoneses siguen sestos na clasificación, pues los equipos que tien delantre volvieron a ganar, namás perdió l'Almería col Caja Rioja.

El primer cuartu foi igualáu col equipu local aguantando gracies a los triples y con un Logi Gunnarsson mui acertáu. Nel segundu cuartu un parcial de 0 a 10 y una másima separtación de doce puntos, 37 a 49, frayaben l'alcuentru del llau xixonés y al descansu llegábase con un 44 a 53. Nel tercer cuartu les coses camudáronse y los catalanes tuvieron cerca de da-y la vuelta al partíu, pues los asturianos namás que metieron nueve puntos nesti periodu y llegaron a tar a un puntu, 54 a 55, anque les perdes de balón y los fallos n'ataque ficieron que'l resultáu a lo cabero'l cuartu fora de 56 a 62. Nel últimu periodu los xixoneses con un Sony Vázquez mui metíu nel partíu llograron una primer ventaya de doce puntos, 66 a 78, que a lo cabero foron quince con esi 70 a 85 final.

Destacar el gran alcuentru de Brandon Wolfram -ventinueve puntos, trés rebotes y una valoración de trenta y un puntos.
Ficha técnica:

WTC Cornellá:
Pedro Luis Cruza, Mihad Dedovic (15), Chema Marcos (13), Mamadou Samb (8) y Marío García (2).
Tamién xugaron: Alexis Montas (9), Xavier Rabaseda (11), Marc Silva (3) y Edgar San Epifanio (9).

Farho Xixón Baloncestu:
David Jandl, Logi Gunnarsson (9), Adrián García (2), Brandon Woolfram (29) y Matt Kiefer (12).
Tamién xugaron: Chus Pineda, José María Balmón (2), Sony Vázquez (12), Curtis Bobb (11) y Rubén Suárez (8).

Árbitrios: Raúl Sánchez y Fermín González.

Nengún de los dos equipos tuvo xugadores eliminaos por cinco faltes personales. Partíu de la ventésima octava xornada de la Lliga Adecco LEB Plata, xugáu nel Parc Esportiu Baix Llobregat de Cornellá de Llobregat.

Parciales per cuartos: 22-23, 22-30, 12-9 y 14-23."