El día d'Asturies del Gobiernu del Principáu

Mieres va ser el centru de les actividaes lúdiques entames pol gobiernu del Principáu pa celebrar el Día d'Asturies en 2004, güei ufiertamos a los nuesos llectores el programa completu.

La tarde del martes día siete y el tol miércoles en Mieres va haber toa una riestra de propuestes, les más d'elles rellacionaes cola cultura asturiana. Mercáu Astur los dos díes, pasacais de bandes de gaites actuaciones de grupos de baille, prebes de sidra, feries de productos asturianos, campeonatu de voleibol son un exemplu de lo que va haber. No que cinca a conciertos va haber dos escenarios, ún na plaza El Requexu onde'l martes va actuar "Skanda" y el miércoles "La Bandina'l Tombo" y "Liliana Castañón Cuartetu", el martes el conciertu va ser a les 19:30, mientres que'l miércoles va entamar a les 19:00. L'otru escenariu va tar nel Parque Xovellanos, onde van ser les actuaciones principales. Ellí, el martes siete a les 22:00 hores, va actuar el grupu asturianu "Koniec", esti grupu de funk ta acabante de presentar el so segundu cd "Groovie la notte", y va sirvir de teloneru pa "Fangoria", el grupu de pop electrónico llideráu por Olvido Gara (Alaska) y Nacho Canut. Al día siguiente, a les 21:00 hores, va toca-y al folk coles actuaciones de "Los Ciquitrinos", el grupu del Quebec "La bottine souriante", que dempués de doce discos son historia y presente del folk internacional, una bona oportunidá pa descubrir o volver a disfrutar d'esta bona banda.

Pa conocer con más detalle'l programa del Día d'Asturies de 2004 los nuesos llectores pueden ver equí'l programa completu.