La derrota en Zamora dexa a l'ADBA ensin posibilidaes de xugar la Fase d'Ascensu

"Al perder por 88 a 68 col Verona, ún de los rivales directos na llucha por metese na Fase Ascensu, l'ADBA perdió les sos posibilidaes d'entrar nella, namás-yos queda que'l recursu pola sanción de Bembibre-yos seya favoratible pa volver a tener dalguna posibilidá y va dase pente la selmana.

Nel partíu de Zamora les avilesines entamaron bien y metíes nel alcuentru pente los primeros minutos, con ventayes d'hasta siete puntos, pero les locales reaccionaron y punxeron delantre finando'l cuartu con un 28 a 22. Les zamoranes algamaron una ventaya de quince puntos nel segundu cuartu cuando ésti finó, pues la defensa avilesina nun tuvo fina. Na segunda parte les coses nun cambiaron y la victoria quedó del llau local.

Hai de destacar el gran partíu de la xugadora zamorana Lidia Gesteira, que llogró una valoración de cuarenta y seis puntos con trenta y cuatro puntos, seis rebotes, seis asistencies y cuatro balones recuperaos. Nes asturianes namás se pue destacar a Jerica Watson -con dobles figures, ventidós puntos y diez rebotes-, los trece rebotes de Zora Skrabalova y los dieciséis puntos d'Anna Boleda.

Ficha técnica:

Caja Rural Verona Norte:
Lidia Gesteira (34), Erika Valek (3), Aitana Cuevas (13), Laura Gimeno ya Ildiko Skoze (3).
Tamién xugaron: Danae Morenas, Nerea Moreno (9), Kristy Lavin (14), Marta Garrote y Carla Agulló (3).

ADBA:
Verónica Alonso (7), Paula Ballvé (6), Anna Boleda (16), Zora Skrabalova (9) y Jerica Watson (22).
Tamién xugaron: Orinta Kavaliauskaite, Carla González (8), Iratxe Cabrera, Jana Stantienova y Debora Abreu.

Árbitrios: Juan Francisco González y Álvaro Rodríguez.

Na ADBA foi eliminada por cinco faltes personales Anna Boleda y nel Verona Erika Valek.

Partíu de la ventésima cuarta xornada de la Lliga Femenina 2 Grupu A, xugáu nel Pabellón Municipal Ángel Nieto de Zamora.

Parciales per cuartos: 28-22, 22-13, 12-9 y 26-24."