Valledor y Migoya discrepen sobre la personalidá histórica d'Asturies

El Conseyeru de Xusticia Javier García Valledor declaró na inauguración de les xornaes sobre "Emigración y Retornu n'Asturies" que se celebren nel Centru Municipal de L'Arena de Xixón, que espera que "el nuevu modelu d'Estáu evite privilexos y garantice la igualdá política, financiera, llingüística y de competencies del conxuntu de comunidaes autónomes" El Conseyeru punxo l'aniciu d'Asturies como nacionalidá histórica na alta Edá Media, lo que tendría de llevar a que'ello s'espeyare na Constitución Española

Otramiente, la Conseyera de Cultura, Ana Rosa Migoya, qu'esta mañana daba una rueda de prensa na Feria Internacional de Muestres d'Asturies con motivu d'una entrega de diplomes, quitó-y fierru a tala posible denominación y declaró que "ye preciso evitar la discriminación y apostar pola igualdá ente ciudadanos y territorios"